July 22, 2016

வளலாய் உறவுகளின் பார்வைக்கு............

அருள்மிகு வளலாய் பிள்ளையார் தேவஸ்தான சபை - வைகாசி 2012 இலிருந்து புரட்டாதி 30 காலப்பகுதி வரையில் இருந்த நிர்வாகத்தினர் தற்போதுள்ள புதிய நிர்வாகத்தினரிடம் 2015 ம் வருடம் தைப்பொங்கல் அன்று கையளித்த கணக்கறிக்கையின் படி வளலாய் பிள்ளையார் நிர்மாணப்பணிகள் தொடர்பில் முன்னாள் செயலர் வ. யோகநாதன் அவர்களுக்கும் அல்லா மேசனுக்குமான கடன் பாக்கி அண்ணளவாக ஏழு இலட்சம் இருப்பத்தாறாயிரம் இலங்கை ரூபா கொடுக்கவேண்டி யிருந்தது. ஒரு இலட்சத்து பதினேழாயிரம் ரூபாவை முன்னாள் செயலர் திரு வடிவேலு யோகநாதன் அவர்கள் தனதன்பளிப்பாக  கொடுத்துதவ மிகுதி பணத்தை கனடா வாழ் வளலாய் உறவுகளாகிய நீங்கள் தந்துதவி கடன் பாக்கி முழுமையாக செலுத்தப்பட்டது.

வளலாய் பிள்ளையார், வளலாய் பெரிய நாகதம்பிரான் ஆலய மீள் நிர்மாணப்பணிகள் வளலாய் நிலவிடுவிப்பு ஆகியவற்றைத் தொடர்ந்து வளலாய் மக்கள் முயற்சி யிலும் வலி கிழக்கு பிரதேச செயலர் ஒத்துழைபபினாலும் அரசு சாரா தன்ஆர்வல அமைப்புக்களின் ஆதரவினாலும் இந்திய அரச உதவித்திட்டங்களாலும் வசதிபடைத்தவர் களது தனி முயற்சியிலும் வளலாய் கிராமம் வளர்ச்சிகளைக் காணத் தொடங்கி யிருக்கின்றது.

ஆலயங்களின் மீள் நிர்மாணப் பணிகளைத் தொடர்ந்து கூனன் காடு இந்து மயானமும் நீர்ப்பிட்டி அந்தியேட்டி மடமும் வலிகிழக்கு பிரதேச செயலர் நிதியிலிருந்தும் பொதுமக்கள் மற்றும் புலம் பெயர்ந்து வாழும் வளலாய் உறவுகள் அவ்வப்போது வழங்கும் ஆதரவுகளினாலும் சிறப்புற முடிவடைந்துள்ளன. அத்துடன் வளலாய் மக்களின் தொடர் முயற்சியினால்

வளலாய் அமெரிக்கன் மிசன் தமிழ் கலவன் பாடசாலை ஆரம்பிக்கப்பட்டு இயங்கி வருகின்றது. இவை தவிர தமிழ் கலவன் பாடசாலை இயங்கும் அதே இடத்தில் முன்பள்ளி சிறார்களுக்கான பாலர் பாடசாலை ஒன்றும் வளலாய் வடக்கில் ஒரு பாலர்பாடசாலையும் இயங்கி வருகின்றன. இவை சிறப்புற இயங்குவதற்கு பணஉதவி தொடர்ச்சி யாக தேவைப்படும்.
இவை தவிர  சனசமூக நிலையமும் பொதுமண்டபமும் பாரதி சனசமூக நிலையம் இருந்த இடத்தில் நிர்மாணிக்க உத்தேசித்து புதிய நிர்வாக சபை ஒன்று தெரியப்பட்டு அவர்கள் அரசிடம் இவற்றை நிர்மாணிக்க தேவையான பணத்திற்கு விண்ணப்பித்துளள்ளனர். அரசும் அதற்கான நிதியின் பெருமளவு தொகை யை வழங்கக்கூடிய வாய்புக்கள் உள்ளன. இவ்வாறு  சனசமூக நிலையப் பணிகள் ஆரம்பிக்கபடுமாயின் அதற்கும் வளலாயின் எல்லா வளர்ச்சியிலும் கனடா வாழ் வளலாய் உறவு களின் பங்கு இருந்தது போல் இதற்கும் எம்மால் இயன்ற ஆதரவு வழங்க தங்கள் ஒருமித்த ஒத்து ழைப்பை நாடி நிற்கும் கனடா வாழ் வளலாய் ஒன்றிய செயற்குழு.

நன்றி நவிலல்

கனடா வாழ் வளலாய் மக்கள் ஒன்றுகூடலில், ஆனி 23 2016 அன்று மார்க்கம் மில்னே பூங்காத்திடலில், கலந்து கொண்டு சிறப்பித்த வளலாய் உறவுகளுக்கும், சமைத்த உணவுவகைகளையும், சமைக்காத பதப்படுத்திய இறைச்சி வகைகளையும் தயாரித்து வழங்கிய அன்பர்களுக்கும் மெய்வல்லுநர் திறனாய்வுகளில் கலந்து கொண்ட போட்டியாளர்களுக்கும் திறனாய்வுகளை ஒழுங்கமைத்து வெற்றியாளர் களை அடையாளங்காண உதவிய தன்னார்வலர்களுக்கும் (தொண்டர்கள்) தணல் அடுப்பில் இறைச்சியோடு, எரிக்கும் வெயிலில் வெந்தவர்களுக்கும், இவ்வருடமும் பணம் வழங்கி வளலாய் வாழ் எமதுறவுகளுக்கு தொடர்ந்து உதவ எமக்கு உத்தரவு வழங்கிய அன்பர்களுக்கும் கனடா வாழ் வளலாய் மக்கள் ஒன்றிய செயற்குழு மனமார்ந்த தனதன்பையும் நன்றியையும் வெளிப்படுத்துகின்றது.